Wednesday 26th September 2018

    प्रधानमन्त्री ओलीले संयुक्त राष्ट्रसंघ महासभामा बिहीबार सम्बोधन गर्ने    रवि लामीछाने हलमा जनताकै भिडबाट बोल्दै यसरी प्रवेस गरे open video    बेगनास तालमा फेरि लापरबाही    कुबेत बाट नेपाली चेलीले लेखेको यो चिठीले, कसलाई रुवाउदैन होला र    मातृभूमी(MIEC) सोलुखुम्बुले१७%छुटसहित बैकिङ्ग, लाेकशेवा तयारी कक्षा सुरू गर्यो

थाइल्याण्ड घुम्न नि शुल्क भिसा

थाइल्याण्ड घुम्न जाने पर्यटकहरुले भिसा शुल्क तिर्नु नपर्ने भएको छ। ३ महिनासम्म पर्यटकहरुलाई निशुल्क भिसा उपलब्ध गराउने थाइ सरकारको निर्णय अनुसार थाइल्याण्ड घुम्न जाने नेपालीहरुसँग  कुनै शुल्क नलिने नेपालस्थित थाइ दूतावासले जनाएको छ।
नयाँ राजाले राज्यारोहण गरेको अवसरमा थाइ सरकारले थाइल्याण्ड घुम्न आउने पर्यटकलाई सित्तैमा भिसा दिने निर्णय गरेको हो।  आगामी फागुन १७ गतेसम्म थाइल्याण्ड जाने पर्यटकहरुले भिसा शुल्क तिर्नु पर्दैन। त्यसपछि भने शुल्क बुझाएर भिसा लिनुपर्छ।
भिसा शुल्क वापतले थाइ राजदूतावासले ३ हजार ५ सय लिदैँ आएको थियो। पर्यटकिय गन्तब्य थाइल्याण्ड पछिल्लो समय नेपालीहरुको घुम्ने स्थल बनेको छ । एक महिनामा ३ हजारभन्दा बढी नेपालीहरु थाइल्याण्ड घुम्न जान्छन्।
पछिल्लो समय प्याकेजमा नै टुरको ब्यवस्था ट्राभल्स एण्ड टुर्स कम्पनीहरुले मिलाएका छन्। ४५ हजारदेखि ६५ हजारसम्म उनीहरुले प्याकेज ल्याएका छन्। थाइ सरकारले भिसा शुल्क नलिएपनि ट्राभल्स एण्ड टुर्स कम्पनीहरुले घुम्न जानेहरुसँग रकम लिइरहेका छन् । उनीहरुले प्याकेजमा समावेश भएको भिसा शुल्क हटाएका छैनन्।