Thursday 13th December 2018

    खड्कार प्रदेश नम्बर एक मुख्यमन्त्री राइ बिच बैँकक् मा भेटबार्ता    बैंककमा जाँच्दा मुख्यमन्त्री राईको स्वास्थ्य सामान्य    नेपाल भित्रिँदै अमेरिकी राइफल    केन्द्रीय सरकारको नजर प्रदेश २ मा : प्रचण्ड    शरद गौचन हत्या प्रकरण : समिरमानलाई नख्खुबाट जोमसोम लगियो

देशको एक मात्र अन्तर्राष्ट्रिय क्रिकेट मैदानमा तरकारी खेती

कीर्तिपुरस्थित त्रिभुवन विश्वविद्यालयमा अवस्थित अन्तर्राष्ट्रिय क्रिकेट मैदान खेलकुद विकासको ठेक्का लिएका पदाधिकारीको चरम लापरवाहीका कारण तरकारी खेतीमा परिवर्तन हुन थालेको छ। सन् १९९६ मा नेपालले अन्तर्राष्ट्रिय क्रिकेटको मान्यता पाएपछि कीर्तिपुर मैदानलाई अन्तर्राष्ट्रिय क्रिकेट मैदानको रुपमा निमार्ण गर्न नेपाल क्रिकेट संघ (क्यान) को तत्कालिन नेतृत्वले त्रिभुवन विश्वविद्यालयसँग सम्झौता गरेको थियो। यही मैदानले विगतमा नेपालमा आयोजना हुने अन्तर्राष्ट्रिय क्रिकेट प्रतियोगिताको भार एक्लै थेक्दै आइरहेको थियो। सन् १९९९ मा विश्व चर्चित खेलाडीहरू सम्मिलित टेम्पो लेजेन्ड कपको आयोजना गरेर अन्तर्राष्ट्रिय क्रिकेटमा वाहवाही लुटेको कीर्तिपुरको यही मैदान अहिले चरम लापरवाहीका कारण तरकारी खेतीमा बदलिदै गइरहेको छ। नेकपा एमालेको नेतृत्वमा रहेको तत्कालिन युवा तथा खेलकुद मन्त्रालय तथा हाल राष्ट्रिय खेलकुद परिषद्को चरम राजनीतिका कारण अहिले नेपालमा तीन वटा क्यान अस्तित्वमा छ। नेपाली क्रिकेटमा बढ्दो राजनीतिकै कारण अन्तर्राष्ट्रिय क्रिकेट महासंघ (आइसिसी) ले गत वर्षदेखि नेपाललाई प्रतिबन्ध लगाएको छ।