Tuesday 24th October 2017

    फोरम र नयाँ शक्तिको घरदैलो कार्यक्रम तीब्र    गण्डकी गाउँपालिका बनाउने तिवारीको योजना    उम्मेद्वारी फिर्ता गर्न चाहाने उम्मेद्वारले आज ५ बजेसम्ममा फर्तालिन सक्ने    निर्वाचनमा सहभागी हुन नसकेका मजदूरले यस्तो भूमिका खेल्ने    बिरामी बोक्ने एम्बुलेन्सबाट गाँजा तस्करी

मातृभूमिलार्इ अत्यन्तै माया गर्ने सामाजिक अभियनता अकल थापा मगर ज्यूको समृद्ध नेपालको सपना कस्तो छ त ?

शुक्रबार, श्रावण-०७, २०७३

विभिन्न दलका नेताहरुले आ-आफ्नै ढंगबाट नेपाली जनताको चाहनाको परिभाषा फरक फरक गर्दै आएका छन् । एउटै देशका त्यही जनताले किन पार्टी पिच्छे फरक फरक चाहना र अनि नेता पिच्छे फरक फरक दृष्टिकोण किन राखेका होलान् ? अनि जनताको चाहनाको बहानामा कयौ पार्टी स्थापना भए अनि कयौँ नेताहरु निर्माण भए यद्यपि आज सम्म किन जनताको चाहना सबैले बुझेका छैनन्, अनि हामी अत्यन्त लोकप्रिय पार्टी भनेर आफुलाई दर्ज गर्न खोजे पनि किन नेपालको समृद्धि कहिल्यै हुन सकेन ? अनि नेपाली काँग्रेसको प्रजातान्त्रिक समाजबाद, नेकपा एमालेको बहुदलीय जनबाद, माओवादीको प्रचण्डपथ लगायतका धेरै सिद्धान्तहरुको परिक्षण गरिरहँदा सबै पार्टीहरुले आफ्ना सिद्धान्त जति उत्कृष्ट अरु कुनै छैन भनी एक अर्कालाई सत्तो सराप गरिनै रहे यद्यपि किन कुनै सिद्धान्तले पनि नेपालको विकास नभएको हो ? जनताले खोजेको के रहेछ आखिरमा र खोजेको किन पाएनन् ती जनताले यसको उत्तर एउटा अभियानकै रुपमा खोज्ने जमर्को गर्दैछ थार्इनेपालन्यूज र मातृभूमिका लागि युवा अभियान ।

यसैक्रममा राष्ट्रलाई अत्यन्तै माया गर्ने मातृभूमिका लागि युवा अभियान थाइल्याण्डका अध्यक्ष श्री अकल थापा मगर ज्यूसँग गरीएको महत्वपुर्ण कुराकानी ;

13710522_1294899420562716_77060660216297437_o

१. नेपाली युवाहरुलाई कस्तो नेताको आवश्यक छ ?
– नेपालमा युवाहरुको भावना र बिचारलाई कदर गर्दै नयॉ दिशा र मार्गदर्शन गर्न सक्ने नेताको आवश्यक छ । देशभक्ति र मातृभूमिप्रति माया गर्ने नेताको आवश्यक छ ।
 
२. नेपाली युवाहरुका लागि अब कस्तो पार्टीको आवश्यकता छ जस्तो लाग्छ ?
– नेपालको यति खेरको राजनैतिक पार्टी र क्रियाकलाप भनेको व्यक्तिगत स्वार्थको लागी खेलिने Platform भएको छ । बैचारिक सिद्दान्तलार्इ अंगाल्न सकेको छैन । इतिहासले जे बनाउन खोजिएको थियो देशलाई, त्यसको उल्टो खेल भएको छ । त्यसैले देशको आवश्यकता के हो ? र मातृभूमिले के खोजेको छ ? भन्ने कुराको मुल्याङ्कन कसैले गर्न सकेनन् । युवाहरुलाई राजनैतिक हतियारको रुपमा प्रयोग गरिदैँछ । त्यसैले आजको युवाहरुको लागी आवश्यक राजनैतिक पार्टी भनेको देशको विकासमुखि कार्यको लागी मार्गदर्शन गर्न सक्ने नेता र पार्टीको आवश्यक छ ।
 
३. तपाईको विचारमा नेपालको विकास हुन नसक्नुका ५ कारणहरु के के हुन सक्छन् ?
– राजनैतिक अस्थिरता
– असक्षम नेतृत्व
– कर्मचारीतन्त्रको हालिमुहाली
– भ्रष्टचारीलाई नियन्त्रण गर्न नसक्नु
– सहयोगी दाताको मुख ताकेर बस्नु
– युवा शक्तिलाई प्रयोग गर्न नसक्नु
 
४. तपाइको विचारमा नेपालको विकासका लागि कुन सिद्दान्त आवश्यक छ जस्तो लाग्छ ?
– नेपालको बिकासको लागी कुरा गर्नु पर्दा धेरै नेताहरुले सिंगापुर र स्विजरल्याण्ड सपना देखाए तर काठमाडौँको झींगा धपाउन सकेनन् । नेतृत्व र पदको लागी खिचातानीमा नै समय खेर फाले । देशले चाहेको बिकासको सिद्दान्त भनेको आफ्नो भौगोलिक, सामाजिक, आर्थिक, संस्कृति र मौलिकता सुहाउँदो सिद्दान्तलार्इ अवलम्वन गर्न सक्नु पर्छ । बिदेशीको नक्कल गरेर आफ्नो क्षमतालाई मुल्याङ्कन गर्न नसक्दा देशमा सबै बिकासको कुराहरु काल्पनिकमा मात्रै सिमित भएका छन् ।
 
५. तपाई प्रधानमन्त्री हुनु भयो भने सर्वप्रथम नेपालका लागि ५ वटा महत्वपूर्ण काम के के गर्नुहुनेछ ?
– शान्ति, सुरक्षा र अमनचयन कायम गर्ने ।
– युवाशक्तिलाई दक्ष जनशक्तिको रुपमा स्वदेशमा नै लगानी गर्ने, गराउने ।
– दीर्घकालीन बिकास परियोजना मार्फ़त युवा जनशक्तिलाई परिचालन गर्ने ।
– आर्थिक श्रोतको पहिचान गर्ने ।
– जनताको मुलभुत आवश्यकतालाई पहिचान गरि परिपुर्तीको लागी पहल गर्ने ।
 आदि कामहरु गर्नेछु ।
 
६. तपाई कुनै पार्टीको कार्यकर्ता अथवा नेता नभई एउटा नागरिकको हैसियतमा देशको सम्वृद्धिको लागि गर्नु भएको कुनै योगदानको वारेमा बताइदिनु हुन्छ कि ?
– स्वतन्त्र नागरिक भएर होस या कुनै पनि राजनैतिक पार्टी प्रति आबद्द भएर होस, आखिर देशको सम्वृद्धिको लागी त उदेश्य उस्तै हुनु आवश्यक छ । वास्तवमा म एउटा स्वतन्त्र व्यक्ति पनि हुँ । कुनै असल कुरा देखेँ भने त्यसको support गर्छु र केही देश र जनताको लागी ख़राब देखेँ भने त्यस्को बिरोध गर्छु । बिद्यार्थीकालमा पंचायती व्यवस्था ख़राब देखेँ त्यसको बिरुद्दमा लडेको थिएँ । प्रजातन्त्र आयो, गणतन्त्र आयो र लोकतन्त्र पनि आयो तर जुन बिद्यार्थीकालमा पंचायती व्यवस्थाको बिरुद्दमा लड्दा कल्पना गरिएको जस्तो प्रजातन्त्र, गणतन्त्र र लोकतन्त्र आएन, फरक किसिमको आयो । बिडम्बनाको कुरा यहि हो ।
            मेरो योगदानको कुरा गर्नु पर्दा अहिलेसम्म देशको लागी मैले केहि पनि दिन सकेको छैन । म स्वार्थी भएँ तर म जस्तो स्वार्थी नहोउ भन्दै बिदेशमा रहनु भएका युवाहरुलाई देश फर्काउने अभियानमा सक्रिया हुँदैछु जो मातृभुमीका लागी युवा अभियान मार्फत । मातृभुमीमा रहँदा सानातिना समाज परिवर्तन, बिकृती हटाउने र गाऊँ बिकासको कुराहरु गरेँ होला तर ती अति सुष्म कुराहरु हुन समग्र देशको लागी । समग्र रुपमा सम्वृद्धिको लागी सचेत नागरिकको भुमिका निर्वाह गर्न सक्छु जस्तो लाग्छ । धन्यबाद !
 
जय मातृभूमि