Thursday 13th December 2018

    खड्कार प्रदेश नम्बर एक मुख्यमन्त्री राइ बिच बैँकक् मा भेटबार्ता    बैंककमा जाँच्दा मुख्यमन्त्री राईको स्वास्थ्य सामान्य    नेपाल भित्रिँदै अमेरिकी राइफल    केन्द्रीय सरकारको नजर प्रदेश २ मा : प्रचण्ड    शरद गौचन हत्या प्रकरण : समिरमानलाई नख्खुबाट जोमसोम लगियो

अस्ट्रेलियामा ‘गालाप्यागोस’ कछुवाको ५० औँ जन्मोत्सव धुमधाम मनाइयो (फोटोसहित)

मंगलबार, असोज ४, २०७३

अस्ट्रेलियाको पर्थ महानगरमा अवस्थित पर्थ चिडियाखानामा राखिएको ग्यालाप्यागोस जातको सेर्रो नामको एउटा भीमकाय कछुवाको ५० औं जन्मदिवस धुमधामका साथ मनाइयो । उक्त भाले कछुवा ४९ वर्ष पूरा गरी आजका दिन ५० औँ वर्षमा प्रवेश गरेको चिडियाखानाकी प्रमुख इमिली ट्रेनरले बताइन् । जन्मदिवस समारोहमा उक्त कछुवालाई अत्यन्त मनपर्ने सुन्तला, फर्सी, मेवा, किबि, भूइँऐँसेलु (स्ट्रबेर्री), तरबुजा जस्ता फलफूलबाट बर्थडे केक तयार पारिएको थियो । गालाप्यागोस जातको एउटा हुर्किसकेको कछुवा आफूलाई मनपर्ने फलफूलको खोजीमा २०० किलोमिटर टाढासम्म पनि यात्रा गर्ने गर्छ । कछुवा स्तनधारी प्राणी नभइ फुल पार्ने जीवको श्रेणीमा पर्छ, जङ्गली होस् या घरपालुवा, कछुवा सदैव साहाकारी प्राणी हो ।


चिडियाखाना प्रमुख ट्रेनरले खुसी व्यक्त गर्दे भनिन्,“सेर्रो रातो रङगका चिजबिजसँग असाध्यै झ्याम्मिन्छ, गाढा रङगका जुनसुकै खाद्यवस्तु उसको अत्यन्तै प्रिय हुन् । त्यसैले हामीले पनि उसलाई मनपर्ने फलफूलहरुबाट गाढा रातो रङगकै केक तयार पार्यौं । सानो घेराभित्र थुनिएको बिचरा सेर्रोलाई आफ्नो जन्मदिनमा यो भन्दा मनपर्ने खानेकुरो अर्को के हुन सक्ला र र ?” गालाप्यागोस जातका जङ्गली कछुवाहरुको औसत आयु साधारणतया १०० देखि १२५ वर्षसम्म हुन्छ । त्यसो त पर्थ चिडियाखानामा ग्यालाप्यागोस जातको कुनै कुनै कछुवा अनुमानित एकसय पचहत्तर वर्षसम्म बाँचेको रेकर्ड पनि छ । यो हिसाबले सेर्रो त भरखर आफ्नो जवानीमा प्रवेश गर्दैछ । प्रारम्भमा यस कछुवा अमेरिकाको सान् डियागो चिडियाखानामा जन्मेको र यसको भाइ “सिएरा” सँगसँगै सन् २००५ मा अस्ट्रेलिया ल्याइएको थियो ।

गालाप्यागोस जातका जङ्गली कछुवाहरु विश्वका सबैभन्दा ठूला आकारका कछुवा मानिन्छन् । राम्ररी हुर्किसकेको गालाप्यागोस कछुवा एकजना साधारण मानिस सरह ४ देखि ६ फिटसम्म लम्बाइको र दुईसय पन्ध्र किलोग्रामदेखि चारसय १७ किलोग्रामसम्म तौलका हुने भएकाले यि भीमकाय कछुवा मानिन्छन् । अफ्रिकाको तान्जानियाबाट सातसय किलोमिटर पूर्व, भारतीय महासागरमा रहेको अल्डाब्रा द्वीपक्षेत्र तथा इक्वेडरबाट एक हजार किलोमिटर पश्चिममा रहेको गालाप्यागोस द्वीपक्षेत्र नै यिनहरुका मूल जन्मस्थल हुन् । यी दुबै द्वीपक्षेत्र अति कठिन यात्राबाट पुगिने समुद्रिक दुर्गमस्थल मानिन्छन् । हाल विश्वभर यस्ता कछुवाको संख्या २० हजार भन्दा कमै रहेको अनुमान गरिएको छ । ठूला खाले मुसा (फिल्ड याट), कुकुर, बिराला जस्ता मांसाहारी प्राणी यी कछुवाका मुख्य दुश्मन हुन् । यी मुख्य दुश्मनले कछुवाको अण्डा वा साना साना बच्चालाई खाइदिन्छन् । तसर्थ यी कछुवाहरु हाल लोपोन्मुख प्रजातिका प्राणीमा पर्दछन् ।