Thursday 13th December 2018

    खड्कार प्रदेश नम्बर एक मुख्यमन्त्री राइ बिच बैँकक् मा भेटबार्ता    बैंककमा जाँच्दा मुख्यमन्त्री राईको स्वास्थ्य सामान्य    नेपाल भित्रिँदै अमेरिकी राइफल    केन्द्रीय सरकारको नजर प्रदेश २ मा : प्रचण्ड    शरद गौचन हत्या प्रकरण : समिरमानलाई नख्खुबाट जोमसोम लगियो

आजै मन्त्रिपरिषद विस्तार हुने, ४ बजे शपथ ग्रहण को को थपिए मन्त्री

काठमाडौँ — प्रधानमन्त्री केपी ओलीले सम्भवतः आजै मन्त्रिपरिषद विस्तार गर्ने भएका छन् । थप भएका मन्त्रीहरुकाे आजै ४ बजे शपथ ग्रहण कार्यक्रम राखिएको राष्ट्रपति कार्यालय स्रोतले पुष्टी गरेकाे छ ।

 

 

प्रधानमन्त्रीका प्रेस संयोजक रामशरण बजगाईंले दिएको जानकारी अनुसार आज मन्त्रिपरिषद विस्तार हुने सम्भावना रहेको छ । ‘मन्त्रिपरिषद आजै विस्तार हुने सम्भावना छ,’ उनले भने ।
आज मन्त्रिपरिषद विस्तार हुने भनिए पनि को-को मन्त्री बन्दै छन् भन्ने कुनै पनि दलले आधिकारीक जानकारी दिएको छैन ।
गत फागुन ३ मा प्रधानमन्त्री नियुक्त भएका ओलीले संघीय समाजवादी फोरम र राष्ट्रिय जनता पार्टीलाई समेत सरकारमा ल्याउन मन्त्रिपरिषद् विस्तारमा केही ढिलाई गरिरहेका थिए । एक महिना अवधिमा प्रधानमन्त्री ओलीले फोरम र राजपालाई आफ्ना पक्षमा ल्याएका छन्। दुवै दलले संसद्मा ओलीका पक्षमा विश्वासको मत दिए। त्यसैले अबको विस्तारमा दुवै दललाई समेट्ने तयारी छ। फोरमसँग अन्तिम कुराकानी भइसकेको छ। त्यसैले अबको विस्तारमा फोरम पनि सहभागी हुँदै छ।
फोरमले वाम गठबन्धनसँग तीनवटा मन्त्रालय मागेको छ। तर गठबन्धनले दुइटा मात्र दिने तयारी गरेको छ। दुइटा मन्त्रालय पाउँदा राष्ट्रिय सभाको उपाध्यक्ष वा उपसभामुख आफूले पाउनुपर्ने अडान फोरमको छ। तर उपसभामुखमा एमालेले आफैं उम्मेदवारी दिएकाले अब दुई मन्त्री र एक राज्यमन्त्री फोरमलाई दिने सम्भावना छ।
राजपा भने तत्कालै सरकारमा सहभागी हुने कि नहुने भन्ने स्पष्ट भइसकेको छैन। शुक्रबार उनीहरूसँग पनि अन्तिम कुरा गर्ने तयारी गठबन्धनको छ। राजपासँग कुरा नटुंगिए पनि अब पर्खने मनस्थितिमा प्रधानमन्त्री छैनन्। फोरमलाई मात्र लिएर भए पनि मन्त्रिपरिषद्लाई पूर्णता दिने उनको योजना छ।
नाम सार्वजनिक गरिहाल्दा झन् दबाब बढ्ने भएकाले अन्तिम समयमा छनोट गर्ने दुवै दलका अध्यक्षको योजना छ । मन्त्री बनाउँदा प्रादेशिक सन्तुलन र समावेशितालाई पनि ध्यान दिइने तर काम गर्न सक्ने व्यक्तिलाई प्राथमिकता दिने प्रधानमन्त्रीको मनस्थिति छ ।

प्रकाशित : चैत्र २, २०७४ १२:२१